كيفية فحص الموبايل المستعمل قبل الشراء خطوة بخطوة

في الزمن اللي الأسعار فيه عمالة تزيد، والكل بيدوّر على القيمة مقابل الفلوس، ناس كتير بتلجأ لفكرة شراء موبايل مستعمل. و بما انهم بيشترو مستعمل ف ساعات بيكونو قلقانين بسبب انه ممكن الموبايل يكون فيه مشكلة او كان معموله صيانة قبل كدة ، ف لازم تكون فاهم إزاي تعمل فحص الموبايل المستعمل قبل ما تدفع أي جنيه و تشتريه. الموبايل ممكن يكون شكله نضيف وكويس، بس فيه مشاكل مبيكتشفهاش إلا اللي فاهم. فحص الموبايل المستعمل مش بس بيحميك من الخسارة، ده بيطمنك إنك اشتريت حاجة تستاهل وتعيش معاك كتير كأنها جديدة.

الأهم من كده، دلوقتي بقى فيه أدوات بتسهل عليك عملية فحص الموبايل المستعمل زي تطبيق موبايل مصر، اللي بيقدملك تقرير شامل عن حالة الجهاز قبل ما تشتريه، وده بيوفر عليك وقت ومجهود ويضمنلك تجربة آمنة 100%.

دلوقتي هنشرحلك أهم الخطوات اللى لازم تركز عليها قبل ما تشترى موبايل مستعمل.

1- فحص الشكل الخارجي للموبايل

أول حاجة بتشوفها في الموبايل هي شكله، ودي علامة مهمة لازم تركز فيها. لازم تفحص الشاشة كويس: في خدوش؟ كسور صغيرة؟ خد بالك من الفريم: هل فيه خبطات؟ الشاشة مش متساوية؟ لو الموبايل مفتوح قبل كده، هتلاقي آثار غراء تراب واضح جوة الموبايل سواء في الشاشة او في الكاميرات أو هتلاقي فروقات بين الفريم وبين الجزء اللي اتفتح.

ومتنساش تبص على مداخل الشحن، السماعات، ومدخل الشريحة. لو حسيت إن فيه أي "فك بسيط" أو إن المنافذ مش ثابتة كويس، يبقى احتمال كبير يكون الموبايل صيانته مش مظبوطة او انه وقع وقعة قوية و ده سبب اضرار جوة الموبايل.

2- فحص البطارية وعمرها المتبقي

علشان تعرف حالة البطارية، لو الموبايل آيفون، افتح الإعدادات وروح لـ Battery Health وهتعرف نسبة البطارية كام.

لو أندرويد، ممكن تستخدم تطبيق موبايل مصر و التطبيق هيطلعلك حالة البطارية إذا كانت جيدة جداً - جيدة - أو سيئة. وخليك عارف إن فحص الموبايل المستعمل لازم يشمل البطارية، لأنها من أكتر الحاجات اللي بتتأثر مع الوقت وبتأثر على اداء الموبايل.

تطبيق موبايل مصر بيوفرلك تقرير فني بحالة البطارية، وده هيسهلك يبقى عندك معلومة دقيقة و بشكل سريع ، سهل و بسيط.

3- فحص الشاشة واللمس

لازم تجرب تلمس كل جزء في شاشة الموبايل. و لو فيه جزء ما استجابش أو حسيت إن اللمس تقيل فيه، يبقى في مشكلة في التاتش ، و ده اختبار موجود في تطبيق موبايل مصر لفحص الموبايل المستعمل ، اختبار بسيط و سريع بيختبر كل بيكسل في الشاشة بدقة عالية و بيطلّعلك نتيجة الفحص بسهولة .

فحص الموبايل المستعمل في النقطة دي بيساعدك تتأكد إن كل حاجة في الشاشة شغالة مظبوط و انه مفيش اي مشاكل في التاتش لو التاتش سليم و لو فيه مشكلة موجودة في التاتش بيظهر في التقرير ان الاختبار فشل.

تعرف على نصائح مهمة قبل ما تشتري موبايل مستعمل

4- التأكد من عمل الكاميرا الأمامية والخلفية

افتح الكاميرات الأمامية والخلفية وجرب تصور عادي و بعدها شوف الصورة لو مش واضحة و مزغللة بسبب الكاميرا يبقى الكاميرا اللي صورت بيها فيها مشكلة، و ده اختبار موجود في تطبيق موبايل مصر لفحص الموبايل المستعمل بيقولك الكاميرا شغالة كويس ولا فيها مشكلة .

5- فحص السماعة والمايك والاهتزاز

افتح فيديو أو أغنية بصوت عالي. لو الصوت مكتوم أو بيقطع، السماعة ممكن تكون فيها مشكلة. جرب تسجّل رسالة صوتية واسمعها و كمان سجل فيديو بالكاميرا واسمعه علشان تشوف مايك تصوير الفيديو فيه مشكلة ولا سليم . كمان جرّب تعمل الموبايل على وضع الاهتزاز فقط ، ولاحظ لو الجهاز بيرن طبيعي و الأهتزاز شغال فيه أو لاء ، و كل دي اختبارات موجودة في تطبيق موبايل مصر لفحص الموبايلات المستعملة و بتظهر نتيجتها في التقرير النهائي للفحص.

6-اختبار الشبكة والاتصال والواي فاي و البلوتوث

ركب شريحة SIM وشوف الشبكة بتظهر ولا لاء، وجرب اتصال حقيقي واتأكد أن الشبكة شغالة كويس في الموبايل و مفيهاش اي مشاكل و جرب أماكن الخطوط اللي موجودة في الموبايل علشان لو فيه مكان فيهم فيه مشكلة او مش شغال تكون عارف. كمان وصل الجهاز على واي فاي، افتح يوتيوب أو اى منصة بتشغل فيديوهات وشوف هل الواي فاي شغال في الموبايل ولا لاء ، كمان جرب تشغل البلوتوث و توصل اي سماعة او ساعة بيه او حتى جرب تبعت و تستقبل اي ملف او صورة عن طريقه علشان تتأكد انه مبيقطعش و تنه مفيهوش اي مشاكل، كل الإختبارات دي موجودة في تطبيق موبايل مصر لفحص الموبايلات المستعملة و تقدر تعملها بسهولة لأن خطواتها بسيطة جداً و الإختبارات دي تحديداً بتتعمل اوتوماتيك بمجرد م بتبدأ فحص الموبايل و مش بتحتاج اي تدخل منك حتى ولو بسيط زي اختبارات تانية موجودة في التطبيق.

7- فحص رقم IMEI والتأكد من أن الجهاز أصلي او لاء

رقم IMEI هو بطاقة تعريف الجهاز، ووجوده بيضمنلك اكتر من حاجة من ضمنهم إن الموبايل اصلي او لاء. هتلاقي الرقم ده مكتوب على العلبة و اوقات كتير بيكون كمان مكتوب على ظهر الجهاز، وكمان بيكون موجود في الإعدادات او لما تتصل ب الكود ده *#06# برضه هتلاقيه ولازم يكون الرقم اللي على العلبة هو نفس الرقم اللي على ظهر الموبايل و نفس الرقم اللي موجود في إعدادات الموبايل و اللي بيظهرلك كمان لما تتصل ب الكود اللي فوق و ده بيأكد ملكية الجهاز للشخص اللي هتشتري منه و الIMEI غير قابل للتعديل من خلال المستخدم نهائياً , و كمان تطابق ال IMEI بيضمنلك ان الجهاز اصلي وبيخليك متطمن

و منصة موبايل مصر بتضمنلك ان كل الأجهزة اللي على المنصة واللي هي بتكون معروضة من خلال البائعين المعتمدين على المنصة أصلية 100% .

افتح 3 أو 4 تطبيقات بسرعة وشوف الجهاز بيهنج؟ بيستجيب بسرعة؟ وممكن تجرب الألعاب التقيلة. أى تهنيج أو سخونة زايدة ممكن تكون علامة على مشكلة في المعالج أو الرام.

معروضة من خلال البائعين المعتمدين على المنصة أصلية 100% .

8- فحص الأداء والمعالج والرام

تطبيق موبايل مصر لفحص الموبايل المستعمل بيعرضلك أداء المعالج الحقيقي سرعته و نوعه و كمان بيعرضلك درجة حرارة الموبايل في الوقت اللي بيحصل فيه الاختبار و كل ده بيظهرلك في التقرير النهائي للفحص .

9- التأكد من حالة النظام والتخزين

وانت بتشتري موبايل مستعمل بتحتاج تعرف إصدار نظام التشغيل و حجم الرام و الروم كام. افتح الإعدادات و شوف إصدار نظام التشغيل وارجع تاني افتح التخزين وشوف مساحة الجهاز و بعدين كمل بقيت اختباراتك للموبايل و ده هيزود وقت فحصك للموبايل، هنا يجي دور تطبيق موبايل مصر لفحص الموبايلات المستعملة ، التطبيق بيقولك ايه نظام التشغيل و أصداره و كمان حجم الرام الفعلي اللي موجود في الجهاز و مساحة التخزين الفعلية المتاحة ليك انك تستخدمها و ده كله هتلاقيه بيظهرلك في التقرير النهائي للفحص.

10- فحص الملحقات الأصلية (الشاحن، السماعات، إلخ)

لازم تتأكد أن الموبايل معاه كل الملحقات بتاعته زي الشاحن الأصلي أو المعتمد، السماعة، والعلبة بتاعة الموبايل، و موبايل مصر بتفحص ملحقات الموبايلات الخاصة بالمتاجر المعتمدة الموجودة على المنصة و بتتأكد من توافقها مع الجهاز سواء كانت الملحقات أصلية أو معتمدة لضمان أفضل أداء للموبايل.

تطبيق موبايل مصر لفحص الموبايلات المستعملة، مساعدك الذكي لفحص الموبايل المستعمل

في وسط سوق مليان أجهزة مستعملة وأسعار وعروض مختلفة كتير ، تطبيق موبايل مصر بيوفّرلك حل بسيط وفعّال يخليك تشتري وإنت مطمن. التطبيق مش بس أداة فحص، ده دليل بيمشي معاك خطوة بخطوة ويديلك تقرير شامل عن حالة الجهاز قبل ما تشتريه.

من أول أداء المعالج، مستشعرات الموبايل ، نظام التشغيل المستخدم ، الذاكرة ، حالة البطارية، الكاميرات، السماعات، لحد التاتش والشاشة ، كل ده تقدر تعمله في دقايق من غير ما تروح لمحل أو تدفع جنيه.

المميز كمان إن التطبيق بيشتغل على كل أنواع الموبايلات الاندرويد بدايةً من اندرويد( 7) إلى اخر إصدارات الأندرويد و بدايةً من IOS (13) إلى اخر إصدارات IOS ،التطبيق مجاني و بدون أي إعلانات، وسهل جدًا في الاستخدام ، و سريع في الإختبارات، وده بيخلي التجربة أوضح، أسرع، وأأمن بكتير لأي حد بيفكر يشتري موبايل مستعمل من أي مكان.

باختصار، قبل ما تقرّر تشتري، لازم تبقى عارف كل تفاصيل حالة الجهاز اللي هتشتريه وتكون متطمن و تطبيق موبايل مصر لفحص الموبايلات المستعملة هيخليط متطمن.

فحص الموبايل المستعمل بقى أسهل مع موبايل مصر.

حمّل التطبيق دلوقتي، وخلي كل خطوة تطمنك أكتر.

❓ أسئلة شائعة عن فحص الموبايل المستعمل

إزاي أعرف حالة الموبايل المستعمل من غير خبير؟

حمّل تطبيق موبايل مصر وهتاخد تقرير كامل عن كل حاجة.

أشتري من شخص ولا محل ولا من منصة موثوقة؟

منصة زي موبايل مصر بتوفرلك تقرير فني وضمان، عكس الشراء من اي محل او شخص غير مضمون اجهزته بالاضافه لإنك تقدر تضيف بوليصة تأمين سنه على موبايلك باسمك وتصلح في التوكيل.

كلمة أخيرة:

فحص الموبايل المستعمل مش اختيار ده آمان وضمان لفلوسك. ومع تطبيق موبايل مصر، العملية كلها بقت أسهل، أسرع، وأدق.

خد القرار الصح وخليه مبني على بيانات، مش على شكل الموبايل بس.

حمّل تطبيق موبايل مصر دلوقتي، وخد كل خطوة بثقة واطمئنان.

لو حابب تشتري موبايل مستعمل مضمون وسعره مناسب، ممكن تشوف الأنواع المعروضة أونلاين من خلال الروابط دي:

موبايلات آيفون مستعملة

موبايلات سامسونج مستعملة

موبايلات هواوي مستعملة

اختار اللي يناسبك، وقارن بين الأسعار والحالة قبل ما تاخد قرار الشراء.